مقلوبة الباذنجان<<الأكله المفضله.. بالصور!!

سجل في : 07/03/2009

كيفكم ؟ ان شاء الله تكونو بخير وعافيه

عندي لكم طريقة مقلوبه مبتكره : حتى اللي ما يحب الباذنجان راح يحبه في هذي الطبخه .....اول حاجه راح تحتاجي ثلاثه قدور :
لاتخافو الطبخه مو طويله ابدا .....بس كلامها كثير

المقادير :
شرايح باذنجان رومي مقليه او مشويه وهو الافضل
بصل مفروم _ ثوم مهروس- زنجبيل مهروس- كزبره مفرومه+شبنت
طماطم معصوره- نصف كيلو لحم مفروم -كيس بازيلا مجمده -كاستين رز مغسول- دجاجه مقطعه 8قطع مغسوله ومدعوكه بالدقيق والملح او افخاذ دجاج ماجي- بهارات<قرفه، بهار مشكل ، بهارحلو ،فلفل اسود ،كركم ،ملح >

الطريقه:
نحط زيت في صينيه ونحط شرايح الباذنجان السميكه وبعدين نقلبها عشان يكون الزيت من الجهتين وبعدين ندخلها الفرن الى ان تحمر من الجهتين بس مو كثير عشان ما تنحرق

نجيب القدر الاول ونحط فيه زيت واذا حبيتو ممكن تحمرو شوي كزبره وكمون صحيحه بس مدقوقه شوي بمدق الثوم يعطي طعم روعه

وبعدين نضيف البصل ولما يذبل نحط الثوم والزنجبيل ونقلب شوي وبعدين نضيف الدجاج

ونقلبه لحتى يتحمر شوي ...وبعدين نضيف عصير الطماطم والماجي وجزء من البهارات

ونتركه يتسبك ....

في القدر الثاني نحمر البصل ثم الثوم والزنجبيل ثم الكزبره ...ثم نضيف اللحم المفروم ونحركه حتى ينشف مائه...ثم نضيف له البازيلا..ونقلب ....

نضيف الماجي والقرفه والبهار الحلو والملح والفلفل الاسود ونقلب...ثم نضيف الرز ونقلبه.....ثم الماء المغلي بس مو كثير

بعد ما يستوي الرز والدجاج ....نرص الباذنجان في القدر الثالث...بعد ما ندهنه زيت طبعا

ونحط عليه الدجاج ثم الرز ونضغطه بالملعقه بالراحه

نحطه على نار هادئه لمدة نص ساعه عشان يمسك مع بعض

بعد مانطفي النار نتركه 10 دقايق وبعدين نقلبه بحرص في طبق كبير مدور

واستمتعو اولا بشكل متماسك رائع كأنها كيكة باذنجان
وثانيا بالذ طعم مقلوبه ممكن تاكلوها في حياتكم..........والتجربه خير برهان

وبالهناء والعافيه مقدما .....اتمنى يكون عجبكم

مواضيع جديدة

مقلوبة الباذنجان<<الأكله المفضله.. بالصور!!

تفضّل شارك بتعليقك