hits counter
الرئيسيةس .و .جبحـثالتسجيلدخول
دعم شباب الآن: لدينا 8248 موضوع ، و 1991 عضو ، آخر عضو مسجل : نغم سات فمرحباُ به.



هل تحلم بامتلاك موقع فاشل !
avatar
THE QM
إدارة الموقع
 
المشاركات : 7657
القسم المفضل : تطوير المواقع
سجل في : 13/06/2008
النقاط : 22
موضوع: هل تحلم بامتلاك موقع فاشل !



شوية لكن لو سمحت لا تشتغرب ولا تستعجب.....الفشل لوحده صناعة..حتى الفشل فيه فن..حتى الفشل فيه إبداع...

1-بتفهم فى كل حاجه وفى أى حاجه ويتعرف فى تصميم المواقع...بتفهم فى إشهار المواقع ومحركات البحث ...لكن فترة كبيرة مرت وانت لسا بتفهم . ومبتعملش حاجه.قولى بتحصل ولا مش بتحصل؟؟؟

2-لازم تعمل فى كل صفحه فى الموقع فلاش وصور ونجوم بتطلع ونجوم بتنزل وكلام بيتحرك ..يجب عليك إصابة كل شخص يدخل موقعك بالعمى من تداخل الألوان....استعمل اللون الأصفر كتير فى الموقع وياريت مع الأصفر لون أحمر فاقع...


3-إذا كنت تمتلك منتدى..لازم تطلع عين زائر الموقع....لازم قبل مايتصفح يشترك فى الموقع..ولازم يعمل تفعيل من على الإيميل ...ولازم يتوافق عليه..هيا سيبه؟!!...لازم علشان يحمل اى حاجه تطلع عينه...ضرورى انه يرد على الموضوع...ولازم بعد مايرد وهو أساسا مش عايز يرد..يجيب أخر صفحة علشان هيا اللى فيها التحميل....وهو وحظه بقا....كان اللينك شغال أو مش شغال مش ذنبك انت....هو اللى غلطان ولازم كمان يتأسف لك...هيا سيبه...


4=لازم تقول لصحابك أحمد ومحمد ومى ومنى ونهى ان انت عندك موقع..لازم تقولهم ..امال انت عامل الموقع ليه؟؟؟


5-الإعلانات ومش هوصيك..كل شركات الإعلانات لازم تشترك فيها...ولازم الموقع يبقى فيه بتاع 20 أو 30 اعلان كده....وياحباذا لو كان كل اعلان بلون يبقى ضربت عصفورين بحجر..منها عميت الناس الغلابه ومنها برضه يمكن يضغطوا على الإعلان عن طريق الخطأ


6-أكيد عندك ثروة طائلة قيمتها خمسه دولار ولا حاجه مجمعهم من شركات اضغط ضغطه بسنت....ياريت تعلن عن موقعك بيهم فى نفش الشركة..علشان يجى برضه ناس تانية تضغط على موقعك وتبقى كده مبسوط وفرحان ان الناس بدأت تدخل موقعك والناس تبقى مبسوطه برضه ان فيه ناس بتدخل موقعهم (أهو تكافل إجتماعى وإنبساط)...وياسلام بقى لو تشترك فى التصفح الأوتوماتيكى وتفضل فاتح النت على مواقع وواحد برضه تانى فاتح نفس المواقع واهى الناس فاتحه المواقع وخلاص وعد ياعداد.....


7-أوعى تشترك فى محركات بحث وكلام فارغ زى ده..ده الواد محمود ابن عمك عبده الله ينور بصيرته..عنده برنامج يخلى موقعك فى أول محركات البحث فى 30 يوم بس...شوف إزاى


8-لازم الموقع بتاعك يكون باست وكوبى...اوعى تعمل حاجه بنفسك..هو انت لاقى نفسك..هو انت عايز تتعب نفسك....امال الناس اللى بتعمل ده فايدتها ايه...علشان يريحوا سيادتك فتقوم حضرتك بنقل مواضيعهم فى موقعك....


9-أى موقع فيه مقالات عن الفوركس (أنا عندى حساسية من الفوركس من زمان وأظن أغلب الأعضاء القدامى عارفين كده) ...تنقل منه كام موضوع كده ومش لازم تعرف هما بيتكلموا عن ايه...أهم حاجه تكون المواضيع عن الفوركس...وزى ماقال أجدادنا ان ضغطة الفوركس تساوى ألف ضغطة فى أى موضوع تانى.....شوف إزاى


10-لازم تخلى موقعك مختصر...مختصر....كل أما كان فاضى كل أما يكون أفضل...اتبع سياسة تفضية الموقع...وياسلام بقى لو فاضى خالص مفهوش غير اعلانات....تبقى انت كده بتفكر صح وبتعمل لمليون سنة لقدام.....


11-أنا نسيت أقول لك ان لازم يبقى موقعك على استضافة مجانية ويبقى مش دومين...اوعى تدفع ولا حتى شلن على الموقع..إبدأ من الصفر....



12- يجب أن يكون موقعك يكون باللغة العربية وتدور على زوار أجانب....موقعك يكون باللغة الإنجليزية وتدور على زوار عرب...لازم تلخبط الأجانب والعرب,,,لازم تلخبط كل الناس ..لازم تخلى الناس مش فاهمة اى حاجه....


13-برامج الإسبام...لازم يكون كل ايميل فى العالم عليه موقعك...اشترك فى البرام دى كتير


14-اوعى تقرأ حاجه عن s.e.o ...ملهاش أى فايدة...اوعى حتى تحاول تفتح أى موضوع عنها....


15-مش هوصيك بقى...المقالات اللى موقعك لازم تحافظ عليها وتلغى الكوبى من موقعك..انت تعبان فى المقالات دى وناقلهم وخدوا منك وقت لغاية اما عملت كوبى وباست لموقعك...ماتخليش الناس تاخد حاجه من موقعك بالساهل....كل اما الزائر يعمل كوبى طلع له رساله تقول له (مافيش نسخ ياجميل)


حاول تطبق الطرق الجميلة دى ....وترد عليا....وأوعدك ان موقعك هيبقى من أفشل المواقع فى العالم...لازم يكون لك ترتيب....مش شرط فى النجاح


ولكم منى أجمل امنياتى لكم بالنجاح وشكرا

منقول للفائدة .. من منتدى برامج نت ..



كن بالقرب :
follow me @HDagash


التعليقات
لا يوجد حالياً أي تعليق

تفضّل شارك بتعليقك

دعم شباب  :: تطوير المواقع والمنتديات :: استراحة اصحاب المواقع-