أشكَد قبل المريض
ايموت دفان
مو كلشي التريده لازم ايصير
ولا كلها تسمعك لمن اتصيح
ولا تستسلم الدنياك وتكول
انتهينه وحالنه حال المذابيح
يصح واحد ابنص الموت ميموت
ويصح واحد ابعز العافيه ايطيح
السفينه ماشيه ابنية السفان
متدري اشظامه وشناويه الريح
أشكَد قبل المريض ايموت دفان
وأشكَد عَمروا عدنه مَجاريح!
اصبر على الدنيه بقوة يفلان
لونهه اتلاعبك لعبة مراجيح
دمعتك جوهره أمن اتذبها خسران
بس لليستحقها اجعلها تسبيح
لتصب الدموع الياهو الجان
مو كل باب ترهمله المفاتيح
دنيا اتخلطت باطباع الانسان
بيهم ما يضحي ابشمعة ترويح
وبيهم يضحيلك كل الشموع
وإذا خُلصَن شعل عمره مصابيح
وإذا اتظن الاماني ابكت الدموع
كان الدنيا صارت للتماسيح
